.. قلم السيد بدر ..
جيت عليكي زي غيري ضيف وماشي
النهاردة بكره بعده . افهمي سايبك .وماشي
مين يادنيا اترجيتيه حبيتية مسكتي فيه
داري كدبك اسكتي مين عليكي عزيز وغالي
كله .. سايبك كله .. ماشي
ليا حق يا دنيا فيكي تنكري طب ليه ماليش
قسمتي راح فين نصيبي هما فين إزاي مافيش
جوري يا دنيا عليهم جوري
واسع جو فك .. ماشبعتيش
زي عوايدك مستقويه قادرة
تعاندي ..ماتتعنديش
زى غيري جيت عليكي .. ضيف عليكي
سايبك ماشي .. ماتتعشريش
كله سايبك كله ماشي
مش هابكي على اللي راح
ولا قول بدموعي هاتي
ولا ها فرح بللي جاى
الفرح .. الحزن .. عادي
راح أكتب وبايديا . تنازل مني ليكي
وبعلو صوتي اقولك ليا وحلال عليكي
مانا الضيف اللي جيت وأنا الضيف اللي ماشي
بكره . بعده .كله سايبك كله ماشي . .
ليست هناك تعليقات:
إرسال تعليق