زاد الحنين جوايا وإتمكّن
وفجأة روحي لاقيتها رايحالها
فقولت عليها أسأل وأطّمن
وأعرف ظروفها وأشوف بقى مالها
وبعد أمّا غلبني شوقي وحنيني
فقولتلها بصوت هادي وحشتيني
ولو قصّرت يعني في مرة وياكي
عشان خاطري ياروح قلبي تسامحيني
وبعد فترة عاشتها جوة سكوت
ردّت عليا بهمس من غير صوت
قالت خلاص مابقاش علاج ينفع
وإن العلاج في حالتي هوًه الموت
كان الجواب والله كان صدمة
لا قدِرت أفسّر أو أفهم الكلمة
حاسيت كأن دي قصة في دراما
والكون في عيني كله صار ضلمة
معقول يكون إن الكلام ده بجد
وإن الوجع وصل وعدّى الحد
يارب إشفي كل من قصدك
وماتحوجوش طول حياته لحد
بقلمي عبدالحميد وهبه
ليست هناك تعليقات:
إرسال تعليق