ـــــــــــــــــــــــــــــــــــــــــــــ
خَلِّيك شُجَاع خَلِّيك بَطَل
وِاسْنِد ضَعِيف حِمْلُه تِقِل
العُمْر بِيه عَدَّى وْجَرَى
لَقَى نَفْسُه فُوق سِنّ الْجَبَل
الدَّمْعَه نِزْلِت مِن عِنِيه
وِالضَّهْر سَلِّم لِلنِّمَر
وَلاَ عَادْش قَادِر عَ الطَّرِيق
وَلاَ عَادْش قَادِر عَ السَّفَر
يَامَا نِفْسُه يِرْجَع لِلشَّبَاب
يَامَا نِفْسُه يِرْجَعْلُه البَصَر
العُمْر عَدَّى بِيه وِفَات
مَابَقَاش فِي بَالُه إِلاَّ الصُّوَر
ضَحَّى بْحَيَاتُه وِكَان مُنَاه
يِلاَقِي إِبْنُه فِي ضَهْرُه بَار
يَاخُد بِإِيْدُه يِشِيل مَعَاه
لَمَّا يِمِيل أَو يِنْكِسِر
فَجْأَه انْكَسَر وِالضَّهْر مَال
وَلاَ عَادْش حَالُه يُسُرّ حَال
وِاللي عَلِيه جَاي يِنْسِنِد
مَابَقَاش لاَ ضَهْر وَلاَ جَبَل
خَلِّيك شُجَاع خَلِّيك بَطَل
وِاسْنِد ضَعِيف حِمْلُه تِقِل
العُمْر بِيه عَدَّى وْجَرَى
لَقَى نَفْسُه فُوق سِنّ الْجَبَل
ـــــــــــــــــــــــــــــــــــــــــــــ
كلمات الشاعر أحمد شاهين
------ مصر --- أسيوط ------
ليست هناك تعليقات:
إرسال تعليق