صرنا بامان،،،بعد القهر والحرمان
////////////////////////////////////////////////////////////
اخدو جوزا وقالولا يومين ويعود
نسألواسؤالين وعطوها وعود وعهود
صرخت ويلات رفيق عمري يعني معقول
يروح مني ولبيتي ماغيرو عامود
//////////////////////////////////////////////////////////////
مشي معهم وقلبو يصرخ ويلات
يمكن يهدا؟.. ولايمكن ابدا هيهات
بساعة التحقيق اتعذب المسكين مات
اتشرح جسدو وبتقطيعو عملوا الجهود
/////////////////////////////////////////////////////////////
اخدوا كلاويه وقلبو من صدرو انشال
طبعن ظللام وشلة سفله واندال
باعوا السلبوه من جسمو وقبضواالمال
مرتو بالبيت يدق قلبا وكإنو بارود
////////////////////////////////////////////////////////////
وبعد يومين مواكتر اندق الباب
جايبين صندوق وشرحولا بكذب الاسباب
وقف قلبو ماتحمل عنك الغياب
صرخ باسمك وكان قدرو بروحو يجود
///////////////////////////////////////////////////////////
تحكي ممنوع لوتحكي ويلك ياويل
لفي الموضوع ياوللا بتنهدي الحيل
ع خدودا الدمع صار يجري وكإنوسيل
وصرخت آه،،،من بعدك أيامنا سود
//////////////////////////////////////////////////////////
وهيه قصه من قصص العهد اللي كان
وقصص كتار مخفيه بسر وكتمان
أولاد حرام،،، واليوم انفجر البركان
قامت الثوره وكان اليوم المشهود
//////////////////////////////////////////////////////////
سوريا يايوم اتهني راسك مرفوع
ماعاد في هموم ومن عيونك نشفوا الدموع
قضينا ع البوم وودعنا العتمه بشموع
بزنود أبطال مرفوعه ياأحلى زنود
//////////////////////////////////////////////////////////
شعر ؛ d,, نذيردهان
ليست هناك تعليقات:
إرسال تعليق