التزييف بقلم حسن الشوان

........ التزييف ..........

وجووه مزيفه ف بحر غريق 

وضمير تايه على الطريق

واقنعه عمرها الإفتراضى

دبلت على وجه الشروق

وخبايا صفحات الماضى 

مستخبيه فى الصندووق

صوت سطورها مخنووق

المرار فى لسانها عميق

سنينها راحت ع الفاضى

والمرايا متعرفش التزويق

ولا تجمل شكل أى مخلوق 

ولا تقدر تفرق بين الحقوق 

ولا كانت حاجب ولا قاضى 

التزييف طول عمره جبان

ميعرفش يعيش وسط البشر 

أقروا التاريخ ماضى زمان

لسه اصوله النخل والشجر

شهود عليه بالدليل والبُرهان 

وحقيقة كل الحروف بتبان

مهما عاشت اشكال والوان 

كل شىء بيموت إلا الحجر

وجوه مزيفة ف بحر غريق 

شمس بتطلع ملهاش صديق 

واللهُ الحق فى كل الحقوق 

اياته فيها كل معانى العبر 

......................................

.....د/ حسن الشوان 🇪🇬 ......