بقلم/نشأت البسيوني
في وقت غريب بتحس ان كل حاجه حواليك بتتغير بسرعه مزعجه ناس بتقرب وناس بتبعد واماكن كانت مليانه روحك بقت عاديه كأنها ماعرفتكش قبل كده بس وسط كل ده بيظهر ظل ثابت مايتحركش مهما اتغير المكان ولا اتبدل المزاج الظل ده مش شخص ومش ذكرى ومش حكاية قديمه هو احساس معين بيظهر لما تكون واقف لوحدك في آخر اليوم لما تبص لنفسك بعين تانيه عين
مابتجاملش ولا بتخدعك عين بتشوف اللي اتكسر واللي اتجمع واللي لسه واقف برغم كل حاجه وساعات بتفتكر ان الظل ده حمل تقيل عليك لكن في اللحظه اللي تحس فيها انك خلاص مش قادر تكمل تلاقيه هو اللي سابقك بخطوه كأنه بيقولك حتى لو اتلخبطت حتى لو اتألمت انا موجود ومش هسيبك تقع لوحدك ومع كل تجربه بتعدي عليك تلاقي الظل ده بيكبر من غير ما تحس بيه بيبقى فيه
صلابة غريبه مش منك لوحدك لكن من كل حاجه انت عديت عليها وكل حاجه فشلت فيها ووقفت بعدها وكل حاجه ضيعتها وفضلت واقف قدامها من غير ما تنهار في لحظه معينه بتفهم ان الظل الثابت ده هو الجزء اللي عمرك ماخنته الجزء اللي رغم كل هزيمتك فضل متمسك بيك الجزء اللي شافك وانت بتنهار وبترجع تبني نفسك من الاول من غير ما تشتكي لحد ومن غير ما تستنى خلاص
من بره وفي اخر يومك لما تبص على المسافه اللي قطعتها بتعرف انك كنت فاكر نفسك ضعيف لكن الحقيقه انك كنت اقوى مما توقعت وان الظل الثابت ده ماكنش مجرد انعكاس كان صوتك الداخلي اللي عمرك ما سمعت شكله لكنه عمره ما سابك
ليست هناك تعليقات:
إرسال تعليق