وحبي ليكي هجرتيه
وجنيتي
عليَّ وقلبي خنتيه
وخليتي قلبي لعبة
في إيدك بتلعبي بيها
بينك وبينه ولا يوم
صنتيه.. هو أنتي إيه؟
وليه؟
بتخوني قلبي اللي
وهبتهولك، وعشانه
نسيتي قوام الحب
اللي بينا ومشيتي
بسرعة تجري عليه
كان كفاية على قلبي
كفاية تروحي وتمشي
من غير عذاب.. ليه وليه؟
ولا تخونيني وتخوني
قلبي
اللي حبك وتبعيه؟
هو أنتي
إييه؟
وليه تبعيني وهان
عليكي قلبي ودستي
بكل قسوتك عليه
أنا آسف.. أنا آسف
ليكي وليه، وجايز
كنت واهم نفسي
وأنتي من جواكِ
بتحبيه.. بس اسمحي لي
لو سمحتي بكلمة واحدة
وسؤال بتمنى منك
الإجابة عليه: أنتي..
أنتي راجعالي تاني
ليه؟ وجاياني من تاني
وبتنادي.. عايزة مني إيه؟
جاية بتعملي وجه مقارنة
بيني وبينه؟ ولا أنتي بتحبيه؟
ولا اخترتيني واخترتيه؟
بقلم عبد المنعم مرعي
ليست هناك تعليقات:
إرسال تعليق