...................
مظلوم يا الوش التاني
لك شنه وألف حوار
يا إخونا كيوت ومسمسم
مكار غدار نكار
ومن التالت حتى العاشر
شياطين بيطقوا شرار
ما يغرك عين السهتانه
والضحكه الصفرا البهتانه
ملهمش أمان تلاميذ للجان
وقلوبها بتحسد مجانا
والله أنا حافظك يا بروته
ما هتنضف يوم
حيشري وعارفينك من الريحه
غطيت ع الثوم
ديندي الكداب فرق لأحباب
ويغرق قوم
متعهد فركشه ولوازمه
هيطق إن غاب
بيدوب سمه وبيخطط
يقفل كام باب
هينوبك أيه رد عليا
لك يوم فيه حساب
إياك هنصدق تمثيلك
مش ماسكك داب
لم فى تعاويذك
ثعابينك بذهاب لا إياب
هنكون سعداء جداً جداً
يوم نقفل باب
بقلم ..صبري رسلان
ليست هناك تعليقات:
إرسال تعليق