انت حنانك بيدفينى
ويقوينى على الأيام
كلمة احبك بتنسينى
كنت عليها بصحى ونام
ياللى هواك عمره مايكفينى
روحى معاك ح تعيش ف هيام
بستناك فى الحلم تجينى
تملا القلب شوق وغرام
وادعى وأقول أمتى تصحينى
واسمع منك أحلى كلام
ياللى سرقت منى سنينى
بكره ح تندم ع. الأيام
لو عَدت من غير ماتجينى
تبقى ما دُقتش طعم حنينى
وساعتها ح تجينى أوام
يا حبيبى انا ح أفضل مستنى
وتمر الأيام غصب عنى
واحلم بيك تسقينى حنانك
والقى ف حضنك كل أمان
أمتى بقى راح تنوى تجينى
وتنسينى ظلم الأيام
سيد الحلوانى
ليست هناك تعليقات:
إرسال تعليق