يا كل الحلا المنثور
يانسمة غلا وتدور
يابسمة هلا بسطور
جمعة مباركة ومأسور
وعيونك حَلاهن , سور
يا الروحك سكنها النور
وكلماتك محبة تزور
يالساري سراة الدم
يالشوفك مغيب الهم
وبعيونك نجم يلتم
يالكامل يا كلمة,تم
خميسك ماتخمسه بشوف
وبخلك ماتحل وتطوف
عطشن يانهر ,الجروف
حل حلك وحل الخوف
عِشرة وعدت العشرين
تاخذنا السنين لوين
سمونا عمر طيبين
شمونا عثر طي, بَين
عتمة ومايرن خلخال
خلك مايخل خل خال
وحيطان الصبر خلخال
وخايف لايطيح العال
مربوط بعشق سلسال
سلسلنا وسلينا وسال
بيبانك يدقهن سال
رديت بدمع ,السلال
قلبك مايحن من حال
قسوة مَن زرع؟ من حال؟
ملانا بالوخز منحال
ولاذقنا شهد منحال
لا يقرب ولف لا راح
لاعينه تهل لا راح
لاساعة صفا لا راح
نواس وغفا بلاراح
جمعة مباركة وشَمّات
هبن غيظن شِمّات
دقيت الحرف وَشمات
وشم بروح وشم بمات
الشاعر/ ياسر المهندس
ليست هناك تعليقات:
إرسال تعليق