ياللي حسنَك لوز مقشَّر
اوعى تزعل أو تكشَّر
كل حاجة ليك مجابة
انت بس يا عم أشّر
اوعى تسمع للي نفَّر
اسمع اللي ليك يبشَّر
همس قلبك واللي حبك
اوعى حد عليك يشوشر
لو زعلت امسحها فيا
وان زهقت الفرحة جاية
خدها مني عيش وغني
زي طير فرحان ف غية
مهما تتعب منها يابا
ما تساويش لحظة كآبة
ماتساويش ف الغيم تعيش
او تِبَكِّي عنيك ربابة
لو طلبتي الروح فِدالِك
لو عنيا أنا اديهالك
وان اخدتي العمر مني
عمري كله يهون عشانك
انسي إني اتخلى عنِك
لو في دمعِك أو ف أنِّك
وان ندهتي عليا يوم
قبل ما اسمع هبقى جمبِك
لوز ده ايه ومكسرات
ولا حلو مسكَّرات
دانت كل ما فيك يا عمري
ليك وبس مُسخرَّات
بقلمي/ خالد جمال ٨/٩/٢٠٢٦
ليست هناك تعليقات:
إرسال تعليق