صباح هادى ونسمة شوق بتدلع
وقلوب عاشقة وليها حابة تطلع
وبابي ساعتها متقفل ب١٠٠ترباس
مات الأحساس
يادوب أنفاس عايش بيها أمام الناس
خلاص مليت ومش عارف صفيح من ماس
صباح أشواق ومسا فى فراق
وكلام معسول بيتسرسب من الأبواق
ونتصالح ونتخاصم
٢٠٠مرة
بمشاعر باهته مسروقة من الأسواق
ويجي بكرة شايل ضحكة
يادوب ساعات وندفنها فى وسط زقاق
وكالعادة كلام إنشا يقولك ايه دي الناس أذواق
وفين الذوق يابلادينا
مادام بعنا أمانينا
ودفنا شعورنا فى الأنفاق
مادام مشاعرنا بقت بدعة وباتت سلعة
بنبعها
إياك تحاكيني ع الأشواق
وليه ترقع الدايب
وتندب حظك الخايب
بكلام لا يودي ولا جايب
تنام والدمعة فى الأحداق
وتبات وتصحى على حسرة
وتلعن سلسافين عشرة
عمر الأصيل ماكان قشرة
تفكيرك صفر على عشرة
وبستجديني فى الإشفاق
قلم/
نورالدين(نبيل عبد الحليم)
٨/٩/٢٠٢٦
ليست هناك تعليقات:
إرسال تعليق