غسيل سجادة بقلم صبري رسلان

 غسيل سجاده (364)

..................

شكلك كده 

كده ناوي على حاجه 

ده أنا فهماك وكمان بزياده

لا هي عوايدك 

تيجي تصالح 

ولا تسألني فيه 

أيه محتاجه ..

نسمه صيف 

فى الرايحه وجايه 

عود ياسمين 

ولا شيخ في عباده 

حاسه وشاكه 

ده مش هو  ..

وليه متغير 

يبقى فيه حاجه

شكل الفار بدأ أهو بيتنطط .. 

صدق الشك 

وبان سي حماده ..

جات له رساله أنا تحت البيت من الشغاله

غسيل سجاده .. 

بعد يومين في كسوره مربط فاقد النطق 

زبون في عياده ..

ما أنتش قد النون

يا سي روميو  ..

فرقت لحظه

ونشرب ساده ..

بقلم .. صبري رسلان