بكره ها يعز الوصال
""""""""""""""""""""""""
فيه إللى عاش أيام جميلة
م الخيال
ويا إلفه ،حس بيه، وف حبه
مال
أخلص فى حبه، وكان فى هواه
ملهوف
وهو مش دارى إن بكره
هايعز الوصال
*****
شاف فى حبه كل ما يخطر
ببال
سهر الليالي،عمال بيرسم
فى الأمال
فوق فى العلالى، ويا فكره
يطوف
وهو مش دارى إن بكره
ها يعز الوصال
*****
ملكت مشاعره الكون
وقال
مين إللى زيى فى الهوى
نال المنال
أنا وحبيبى يا عزولى
شوف
وهو مش دارى إن بكره
هايعز الوصال
*****
طالت إيديه نجم السما
وقلبه شال
بين الحنايا الوداد
ضامن دوام الحال
فاكر هايضحكله زمانه
من بين ألوف
وهو مش دارى إن بكره
هايعز الوصال
*****
لعب الزمان لعبته
وإتغيرت أحوال
خطف حبيبة الفؤاد
ودمعه سال
على الخدود يحكى
سوء الظروف
وإتحطم القلب
بعد ما عز الوصال
*****
شعر/سيد فتح الله
من ديوان / أم الدلال
ليست هناك تعليقات:
إرسال تعليق