فرحان .....( نص عامي)
*******************
فرحان بيك الگلب يمشي ويسولف بيك
صرت انت كل دنيتي يالچنت ادور اعليك
بگليبي اشتلك نبع ملح الجفن يا ذيك
واشلع اعيوني نذر يومن تدك بابي
*******************
ما اظن عيني گبل شافت وبعد تشوف
مثلك عيونك شذر يالبگمر موصوف
ملبس الشفه وعسل منظوگ بس انشوف
يمته تحن يالصرت شمعاتي لكتابي
*******************
مبخوت اغسلك عسل وارجع انشفك بوس
وافرش عيوني درب وبكل رهاتك دوس
محروس يا منيتي من كل حسد محروس
وبزندي اخيطك حرز يا اغلى احبابي
*******************
هم بيه رد لهفتي خلي العيون تنام
خلي العواذل تصد حچيي العليه اسهام
صدگني هذا الجفن بس اعله بچيك نام والشيبي ردتك ذخر وتعطب صوابي
*************
د. محمد النعماني/ العراق
ليست هناك تعليقات:
إرسال تعليق