...............
باللزمه العقل صحيح زينه
والغيب بقى علني فى فاترينه
وعيون فيها بجحه وبصاصه
لا حياء ولا دين
ولا حد أمين
ينصح صاحبيتنا اللصاصه
على كل موائد هزازه
مع دول رايحين مع دول جايين
راهنالنا حياتنا بحظاظه
راسمالنا البخت بأشتاتا
والغيب عندها
تقراه شاتا
ولا كان ولا كنا نصدقها
ناقص تحييلنا الأمواتا
دجاله إسبور بتخطي بحور
وصلت كام قارة بشحاطه
الغيب لله وحده يا ساده
مش كل شيطان وشيطانه تقول نغرق
في دجلها بإلحادا
دي لا نبي ورسول ولا والي موصول دي مجرد خادم أشتاتا
زارعين فى عقولنا ملاك
طاهر مكشوف عنها
سقف أوضتها
بتنقي فى غيب بكره ما جاشي
ثقه منها نجاح ع الفرازه
أهي مرة تصيب والثانيه تخيب
ونمجد شركها إعجازا
قايمين نايمين على برج اليوم
ونسمى الشعوذة إنجازا
شعره بين كفرك وإيمانك
والحق تشوفه بألغازا
إرجع لله وأرجو مفازا
بلا جلا جلا جلا
ولا أشتاتا
بقلم .. صبري رسلان
ليست هناك تعليقات:
إرسال تعليق