نفسي أكتب فيكي
أحلى حروف الكلام
أملا الرفوف دواوين
أحكي عن الأحلام
عن أجمل حلم شفته
من يومها نفسي أنام
سرق النوم من جفوني
والقلب والأيام
قالوا الحب كلمة
فيها الحروف اتنين
فيها أحلى غنوة
عزف نايات قلبين
وأنا قلبي بيعزف
وعزفك إنتي فين
نفسي شريان حياتي
يلقى وريد وبطين
خلي قلبك مرة
يسمع لقلبي وبس
يمكن شرايين حنينك
تلقط اشارة البث
وحبي ليكي مشاعر
ما تنكتب تنحس
زي مشاعر حبك
مست عروقي مس
خلينا نكتب حبيبتي
حكايتنا في الدواوين
خلي حروفي بزهورك
ورود رياض بساتين
خلينا نبدأ حياة
نكون ليها العناوين
خلينا أجمل رواية
سمعوها عن العاشقين
يحيى حسين القاهرة
28 أكتوبر 2023
ليست هناك تعليقات:
إرسال تعليق