مجنون ليلى (739)
................
كان نفسي أكون
مجنون ليلى
وأسهر أيام ودموعي سايله
وأحلم بلقاها ومش جايه
وأتعذب فيه
أفضل أيام في هواها سارح
وأتوه عن بكره من إمبارح
عشمان ألاقيه
أمشي رايح جاي في حتيتها
وأقضي ساعات
على باب بيتها
وتشوفني عينيه
ترميني بورده ونتواعد
نتخاصم حبه ونتباعد
وبنظره أراضيه
أفرش له جناح
في الهوى طاير
وأسرح بخيالي
ومش طايل
طب هعمل أيه
كان نفسي أكون
مجنون ليلى
بقلم .. صبري رسلان
ليست هناك تعليقات:
إرسال تعليق