ازاي قلبي هواك والأغرب
كنت أنا ببعد وأنت تقرب
كنت كتير منك بتهرب
بس ف لحظة لقيتني بقولك
قلبي من الأشواق اتشرب
ازاي عشقي لقلبي اتسرب
بعد ما كان عنك متغرب
حس بنار الحب وجرب
ازاي شمسي أنا سكنت ضلك
بعد ما كانت ليك بتغرب
قوللي حبيبي وعيدلي كمان
ازاي قلبي لقلبك لان
بعد ما كان طبعه العصيان
وازاي روحي ف ثانية تميلك
وأبقى ملاك وأسيب الجان
كنت بقول ع الشوق أحزان
لو قرب ببعد فدان
وإن الحب ده زي طوفان
دايماً يأسى عليك ويذلك
وبيسقيك م الضنى ألوان
كنت بقول ع الهوى خوان
يغدر بيك وتعيش ف هوان
تحيا شريد من غير عنوان
يوم ما يصيبك مش هيحلك
بس معاك حسيت بأمان
قلبي وقلبك بقوا أحباب
بعد ما كنا اتنين أغراب
كده على طول من غير أسباب
بعد ما قلبي ف حبك داب
راح ف هواك أي استغراب
لما عرفت الشوق على يدك
قلت صحيح الهوى غلاب
بقلمي/ خالد جمال ١٢/٢/٢٠٢٦
ليست هناك تعليقات:
إرسال تعليق