..............
أخر الكلام
خلصت خلاص بينا الحكايه
وإخترت ليل البعد طوق
لتزيد قسايا
ما عينيك باعولي من زمان
شوق كدب ياما
وأنا كل مره أصدقك
ولا أقول كفايه
طعم الهنا شرباه عذاب
وأقول حبيبي
حتى العتاب جواك
ما ساب نسمه لآنيني
أبات ألملم دمعيتي
والوحده نار
حاضنه غياب شوقي اللي طال
شوك ليل نهار
دورت على فرحه إتنسيت
ورا باب مرار
وفتحت له قلبي بعشم
سادله الستار
وسامحته رغم غدره كان ليا إنكسار
وبدمعي بغزل من الوجع
ثوب لإنتصار
أتاريني مسجونه لهوى
عشقه إحتضار
وورودي دبليت حسنها
والغصن مال
هكتب أخيرا للي كان
حساه أمان
شط النهايه مش بعيد
وقريب كمان
بقلم .. صبري رسلان
ليست هناك تعليقات:
إرسال تعليق