ٱه منك يا دنيا وٱه من عجايبك
قتلت الحي ماشي وبعذابك كسرتيه
عميتي العين لي تشوف قوالبك
وظلمتي طريق الحب قبرتيه
كرهتك يا دنيا عفت عمايلك
ما تقولي كفرت ما تقريني لي قريتيه
بصحتك طيحت دموعي بفعايلك
ومن دنيتي خويا خالد سرقتيه
الله ينعلها دنيا خايبة بقراينك
فرغ منك الحلو كلش دفنتيه
علاه خليتيني يا دنيا كملي خيرك
ما بقى فيك حال الصح ديتيه
كسرت ظهري والمر القلب شربتيه
الله ينعلها دنيا خايبة بقراينك
من حياتي خويا خالد سرقتيه
ما ينفع صبر بفرافك يا الغالي
ما يحبس دمعة سخونة تبكيه
كسرت ظهري يا دنيا والمر القلب شربتيه
الله يرحمك خويا يا دنيا سرقتيه
والله يصبرني في عذاب لي بقى شا ينسيه
ميسرة سنوسي
ليست هناك تعليقات:
إرسال تعليق