لو يفكَّر جرح فات
ماضي عنده وذكريات
جرح قلبي انا مش ناسيه
فاكره ولحد الممات
لو خياله اتملكه
يبقى ظنه هيهلِكه
لو يفكَّر بكره لِيه
بكره حزنه هيملِكه
إنه ينجى بعملته
تبقى روحه دي زاولته
وهمه ده مسيطر عليه
عقله فارق جتته
بكره هاخد منه تاري
بكره تبرد فيا ناري
اللي باعني وعشت لِيه
كنت باقي عليه وشاري
بكره راح تدبل جراحي
والآهات تطلق سراحي
كنت طير بيغني ليه
بكى صوتي وهاض جناحي
بكره قلبه تئيد فيه نار
بحر جرحه مالوش قرار
اللي سال دمعي بايديه
بكره تبكي عنيه مرار
حق قلبي هردهوله
أنّ حزنه ههديهوله
واللي ضاع من عمري بيه
هاخده منه وهديهوله
كل همسة حب كان
كل لمسة من الحنان
حتى شوقه اللي ف عنيه
كله كان للروح هوان
اللي هد أمان ديار
اللي سببلي إنهيار
خان ما خلالي إختيار
طخ قلبي بميت عيار
مش هسيبه يعزي فيه
لو يشيل كفنه بايديه
داحنا بين يا خلق تار
بقلمي/ خالد جمال ٢٨/١٠/٢٠٢٦
ليست هناك تعليقات:
إرسال تعليق