ياه على حلمٍ مات من سنين ولسه بيصحيني
ياه على قلبٍ لسه فاكره ولسه بيبكيني
ياه على عمرٍ ضاع بيدور على اللي ناسيني
ياه على ليلٍ طويل حزين مفيهوش اللي يواسيني
ياه على وعدٍ قلتهولي وفينك ما وفيت
ياه على حضنٍ حلمت بيه وعمرك ما اديتهولي ومشيت
ياه على صوتٍ كان بيطمني فجأة سكت واختفيت
ياه على ضحكةٍ كانت ليا دوا خدتها ومشيت وما رجعت
ياه على بابٍ كنت مستنيك تخبط عليه
ياه على شباكٍ سهران عليه مستني عنيك
ياه على اسمٍ لسه بناديه في كل ليلٍ وبناديه
ياه على جرحٍ سايبه فيا كل ما المسه يصحي اللي فيه
ياه على طفلٍ جوايا تاه بيدور على حلمه
ياه على راجلٍ واقف ثابت بس قلبه اتكسر من كتر همه
ياه على دمعةٍ محبوسة سنين خايفة تنزل لتفضح سره
ياه على آهٍ طالعة من الروح مش من الصدر من جوه الجرح ومره
ياه على ناسٍ قالت باقية وكانت أول ناس بتبيع
ياه على دنيا بتدي القاسي وتسيب الطيب طول عمره يضيع
ياه على بختٍ مايل دايماً كل ما أقول هيتعدل يميل ويضيع
ياه على صبرٍ فاض بيا خلاص وما بقاش فيا حيل للمواضيع
ياه على ذكرى بتحضني بالليل وتسيبني الصبح وحيد
ياه على صورةٍ قديمة صفرا لسه شايلها رغم انها بعيد
ياه على كلمةٍ يا ريتني قلتها قبل ما تمشي يا ريتها تتقال وتتعاد من جديد
ياه على حلمٍ مات من سنين ولسه عايش جوايا عنيد
ياه يا حلمي سامحني مقدرتش أحميك
ياه يا قلبي سامحني غصب عني ببكيك
ياه يا عمري اللي جاي بالله عليك داويني وناسيني اللي فات وناسينيك
ياه يا رب انت عالم انا تعبت قد ايه من ياه وآه بتداويني وتبكيني... بقلمي اشرف محمد ضمراني
ليست هناك تعليقات:
إرسال تعليق