...............
*جوا حبك روحت أصحي
المشاعر من السنين
روحت دايب جوا مني
همسلي قلبي همستين
الحياة ف وجودك إنت
شوق وملفوف بالحنين
*المشاعر جوا حضنك
جايه تنسي كتير أهات
والنجوم عايزة تقولك
إللي حساه من ساعات
إن قلبي ف حبك إنت
نبضه عاش بعد ما مات
*دا زمان المر عدى
وإللي جاي يحلا أه بيك
والقمر ضايه مواعدنا
إنه يسهر أيوا ليك
دي الحياة وياك حبيبي
تحلا أيوا بين إيديك
*يا مشاعر ساكنه جوا
يا حنيني إللي عاش
حبك إنت أحلا غنوة
لحنها قبلك ما جاش
إنت نبض العمر وإنت
الهوا إللي ما إنتهاش
*العيون سرحانه فيك
والسما جوها صافي
والنسايم بين إيديك
للعيون والقلب شافي
يومي يحلا أيوا بيك
جوا نبضك قلبي دافي
*محلا يومي في هواك
جاي أخدني من طريقي
رحت ماشي أه معاك
جوا قدري أه ونصيبي
يا ملاك ساكن عينينا
من النهاردة إنت حبيبي
#كرم ميخائيل
ليست هناك تعليقات:
إرسال تعليق