شعر/سعيد حمدي محمد
★★★★★
طول ما فيكي شباب متعافي
اوعاك يا بلادي يوم تخافي
من اي طوفان يجيلك
انا فارس نيلك.
قبل ما تنادي اجيلك
وان غدر الموج
يشقه سيف مجدافي
★★★★★
أنا أصلي مراكبي
عشقك في قلبي
كعشق القلع للصاري
متعلق دايما في شغوله
وهواكي ينام في طوله
زي الموال يصاحب ارغوله
في ليل الصفا ويسافر
★★★★★
وبقالي سنين بعافر
غاليوني مايوم يتاخر
طول ما بغربل نهرك
لاجل ما احوش مهرك
واشبك هلب غرامي
فى شط عنيكي واتمدد
واشدد..فى حبال شبكي الذرد
حالف عمره مايتفرد
خايف تهرب منه الشهامه
وغزل اﻷصاله يتقرض
★★★★★أنا ماسك الدفه هنا يابا
ومالي قلوعي بنسيم الطيابه
ريس فى سفينة نوح
وهالملم معايا الغلابه
★★★★★
دايما عاشقين المهابره في ربوعك
والعرق. بيولد جبابره ف طوعك
حالفين ما ينحنى ضهرك لطوفان
ولا تنزل ع الخد يوم دموعك
★★★★★
شعر "سعيد حمدى محمد
10/1/2023
ليست هناك تعليقات:
إرسال تعليق