بلف وادور كل ليلة على البيبان
وأمشي في الحارات بعلو الصوت
أنادي على أم شادي وأم إمام
بجري ساعى في الخير هنا وهناك شمال ويمين
بكل حارة وشارع وكل مكان
أصحي النايم واللي لسة في نومة غارق نعسان
وأفوق وأصحصح اللي موجود معانا صاحي
مستني يقيموا الصلاه ويعلوا الأذان
يأدي فرض ربنا ويتوكل على رزقة سأل ربنا المنان
يرزقة برزق حلال يكفية هو والاولاد
بنادي على أبو محمد وأم جنى وأبو سارة وحنان
يقوموا بسرعه ماحد منهم يغفل وينام
دا الوقت بيعدي وبيفوت جرى
والفجر على المئذنه قرب يعلن ارفعوا الماء
واعلنوا الصيام ياموحدين بالله
قوم يابني وأنت يابنتي اصحوا فوقوا
إنتهي وقت النوم والكسل
قوموا اذكروا الله لبوا له النداء
وادعوا رب البشر الواحد الديان
يقبل صيامنا ويجعلة شاهد لنا لحظه حساب
مسحراتي
في الحارتي ألف على البيبان
أنادي على كل الاحباب
في السحور بركه وشفاعه من رب الأرباب
قوموا يامؤمنين وحدوا الهادي وصلو على نبينا
واطلبوا من ربنا الأرزاق
ساعه شفاعة ولحظة رضا فيها القبول بدعوة لربنا
يمحي من قلوبنا الغل والكٓره ويبعد بيها عننا الأوجاع
إصحي يانايم وحد الدايم وحد الرزاق
بقلم عبد المنعم مرعي
ليست هناك تعليقات:
إرسال تعليق